នាថ្ងៃទី១៨ ឧសភា ២០១៦ នៅស្នាក់ការបក្សស្រុកប្រាសាទបល្ល័ង្ក មានរៀបចំពិធីប្រកាសទទួលស្គាល់សកម្មជនយុវជនបក្សភូមិ ឃុំ នៅទូទាំងស្រុកប្រាសាទបល្ល័ង្កខេត្តកំពង់ធំ ក្រោមអធិបតីភាពឯ.ឧ ជា អឿង អ្នកតំណាងរាស្ត្រមណ្ឌលកំពង់ធំ និងជាប្រធានក្រុមការងារចុះជួយស្រុកប្រាសាទបល្ល័ង្ក ឯ.ឧ សុក ផេង រដ្ឋលេខាធិការទីស្តីការគណ:រដ្ឋមន្ត្រី និងជាអនុប្រធានក្រុមការងារចុះជួយស្រុកប្រាសាទបល្ល័ង្ក ឯ.ឧ សុខ លូ អនុប្រធានគណបក្សខេត្ត និងជាប្រធានក្រុមការងារយុវជនគណបក្សខេត្ត។
ចំនួនសកម្មជនយុវជនទាំង៧ឃុំ និង៦៤ ភូមិនៃស្រុកប្រាសាទបល្ល័ង្កដែលកើតចេញពីការបោះឆ្នោតតាមបែបប្រជាធិបតេយ្យផ្ទៃក្នុងបក្ស មានចំនួន៣៧៧ នាក់ ស្រី១៤៥ នាក់។
ក្នុងពិធីនេះក៏មានការហូបបាយសាមគ្គី និងរាំលេងកម្សាន្តយ៉ាងសប្បាយរីករាយផងដែរ៕
