ឯកឧកឧត្តមបណ្ឌិត ជា ចាន់តូ ទេសាភិបាលធនគារជាតិនៃកម្ពុជា និងលោកជំទាវ ខៀវ ស៊ីណា បានអញ្ជើញចូលរួមជាអធិបតីដ៏ខ្ពង់ខ្ពស់ក្នុងពិធីសម្ពោធដាក់ឲ្យប្រើប្រាស់អគារ និងសមិទ្ធផលនានាក្នុងមណ្ឌលសុខភាពតាំងក្រសាំង ស្ថិតនៅឃុំតាំងក្រសាំង ស្រុកសន្ទុក ខេត្តកំពង់ធំ ចាប់ពីពេលនេះតទៅ។
ពីធីនេះ ក៏មានការអញ្ជើញចូលរួមពីឯកឧត្តម ងួន រតនៈ អភិបាលខេត្តកំពង់ធំ លោក យូន សុកម៉ូ អគ្គនាយករងនៃធនាគារអ៊ូរី ប្រទេសកូរ៉េ ទទួលបន្ទុកក្រុមធុរកិច្ចសកល និងសហការី ឯកឧត្តម លោកជំទាវ ប្រធាន អនុប្រធានមន្ទីរជុំវិញខេត្ត មន្ត្រីរាជការ ប្រជាពលរដ្ឋ និងសិស្សានុសិស្សយ៉ាងច្រើនកុះករ នាព្រឹកថ្ងៃទី១២ ខែមិថុនា ឆ្នាំ២០២៣។
ឯកឧត្តមបណ្ឌិត ជា ចាន់តូ ទេសាភិបាលធនគារជាតិនៃកម្ពុជា និងលោកជំទាវ ខៀវ ស៊ីណា បានថ្លែងអំណរគុណដល់ ញាតិមិត្តជិតឆ្ងាយ បានរួមគ្នាសាងសង់មណ្ឌលសុខភាព ដើម្បីទុកជាប្រយោជន៍រួមសម្រាប់បងប្អូនប្រជាពលរដ្ឋយើងទាំងអស់គ្នា និងសូមថ្លែងអំណរគុណ ចំពោះសប្បុរសជនទាំងអស់ ជាពិសេសធនាគារអ៊ូរី ដែលតែងតែចូលរួមចំណែកក្នុងកិច្ចការអភិវឌ្ឍសង្គម ក្នុងការផ្តល់ជាថវិកាសម្រាប់កសាងមណ្ឌលសុខភាពមួយនេះ ជូនដល់បងប្អូនប្រជាពលរដ្ឋយើងទាំងអស់ និងខិតខំថែរក្សាការពារសមិទ្ធផលនេះឲ្យបានគង់វង្ស ទុកជាសម្បត្តិរួមតរៀងទៅ ។
