រសៀលថ្ងៃអង្គារ៍ ៦រោច ខែបឋមាសាធ ឆ្នាំច សំរឹទ្ធិស័កព.ស២៥៦២ ត្រូវនឹង ថ្ងៃទី០៣ ខែកក្កដាឆ្នាំ២០១៨នៅភូមិគ្រឹះក្នុងភូមិត្រពាំងស្វាយ ឃុំបល្ល័ង្គស្រុកបារាយណ៍ ខេត្តកំពង់ធំ ឯកឧត្តមបណ្ឌិត ងួន ញ៉ិល សមាជិកគណៈអចិន្ត្រៃយ៍គណៈកម្មាធិការកណ្តាល គណបក្សប្រជាជនកម្ពុជា អនុប្រធានទី២រដ្ឋសភា នៃ ព្រះរាជាណាចក្រកម្ពុជានិងជាប្រធានក្រុមការងារគណបក្សថ្នាក់កណ្តាលចុះជួយខេត្តកំពង់ធំ បានអញ្ជើញជាអធិបតីកិច្ចប្រជុំជាមួយ ឯកឧត្តម លោក លោកស្រី ជាបេក្ខជនឈរឈ្មោះបោះឆ្នោតជ្រើសតាំងតំណាងរាស្ត្រ នីតិកាលទី៦ មណ្ឌលកំពង់ធំ គណៈអចិន្ត្រៃយ៍គណៈកម្មាធិការគណបក្សប្រជាជនកម្ពុជាខេត្តកំពង់ធំ និងអស់លោកជាប្រធានគណបក្សស្រុក-ក្រុងទាំង ៨ របស់ខេត្ត ។
កិច្ចប្រជុំ គឺត្រួតពិនិត្យការងារតាមប្រតិទិនរបស់ គ.ជ.ប និងប្រតិទិនរបស់គណបក្សខេត្តកំពង់ធំ ឆ្ពោះទៅកាន់ការបោះឆ្នោតជ្រើសតាំងតំណាងរាស្ត្រនីតិកាលទី៦ នៅថ្ងៃអាទិត្យទី២៩ ខែកក្កដា ឆ្នាំ២០១៨ ខាងមុខនេះ ជាពិសេសការរៀបចំពិធីបុណ្យខួបកំណើតគណបក្សប្រជាជនកម្ពុជាលើកទី៦៧ ដែលធ្វើគួបជាមួយពិធីបើកយុទ្ធនាការឃោសនាបោះឆ្នោតជ្រើសតាំងតំណាងរាស្ត្រនីតិកាលទី៦ ។
